Mercado de Artesanía de Nadal Cedeira

Artesanía local e produtos feitos a man

No mercado poderás atopar unha gran variedade de creacións únicas elaboradas por artesáns da nosa contorna. Os postos estarán cheos de pezas feitas con dedicación e moito coidado: desde traballos en madeira con acabado artesanal ata cerámica modelada e pintada a man, pasando por complementos de coiro creados con técnicas tradicionais e xoiería feita con mimo, pensada para ser especial e diferente. Tamén haberá ilustracións e arte gráfica cheas de personalidade, así como produtos de alimentación artesá ideais para levar á casa ou para sorprender con agasallos con sabor propio. Cada compra que realices axuda a apoiar directamente aos artesáns participantes e a fortalecer o comercio local, mantendo vivas as nosas tradicións e o valor do feito a man.

Buzón de Papá Noel e visita especial

Os máis pequenos poderán deixar as súas cartas no noso buzón de Papá Noel.
Ao longo da fin de semana, Papá Noel pasará a recollelas persoalmente e falará cos nenos, as familias e os artesáns, creando momentos máxicos para todos.

A Tómbola Tradicional

Como en cada un dos nosos mercados, non faltará a nosa tómbola tradicional.
Con cada compra recibirás unha participación para conseguir un agasallo directo.
E se non toca nada nese momento, non pasa nada: entrarás automaticamente nos diferentes sorteos especiais da fin de semana.

Apoia aos artesáns e ao comercio local

Estas festas animámoste a realizar as túas compras de Nadal no mercado.
Cada peza conta unha historia e cada compra axuda a manter vivo o traballo artesanal da nosa comunidade.

Agardámoste

Vén vivir o Nadal cun ambiente único, descubre produtos feitos con agarimo e apoia aos artesáns da nosa vila.
Vémonos no Mercado de Artesanía de Nadal Cedeira!